Սեռական փոքրամասնությունները, որոնք նախկինում լուռ հալածվում էին աշխարհի բոլոր հատուկ ծառայությունների կողմից, աշխատանքի հրավեր են ստացել ԿՀՎ-ից: Ամերիկյան հետախուզությունը հայտարարել է, որ գեյերն ու լեսբուհիներն այժմ կարող են  դառնալ իսկական գործակալներ: 

ԿՀՎ-ն փորձն սկսել է Մայամիից:  Գերատեսչությունում արդեն նույնասեռական զույգերին վերաբերող ծրագրեր կան, հայտնում է «Ռոսբալտը»:

Երկար տարիներ ԿՀՎ-ն եւ դաշնային այլ գերատեսչություններ նույնասեռականներից ապահով հեռավորության վրա են գտնվել, մինչեւ որ նախագահ Քլինթոնը 1995թ. նրանց նկատմամբ ճնշումները  դադարեցնելու հրամանագիր ստորագրեց:

Գեյ-լրտեսներին   հանդուրժելու փորձն սկսվում է: Մինչդեռ ԿՀՎ-ի շատ աշխատակիցներ թերահավատորեն են վերաբերվում նախաձեռնությանը: «Սառը պատերազմի» վետերանները կարծում են, որ նույնասեռականները սպառնում են անվտանգությանը, քանի որ հեշտությամբ կարող են շանտաժի զոհ դառնալ: