Նախընտրելի
Սերբական Ռտան լեռը մրցակցում է ֆրանսիական Բյուգարշ լեռան հետ: Աշխարհի վերջին հավատացողներն այսպիսով ուղեւորվում են ոչ միայն ֆրանսիական, այլ նաեւ սերբական սրբավայր: Ռտան լեռան ստորոտին գտնվող հյուրանոցները օրական հարյուրավոր հայտեր են ստանում:
Լեռան մասին բազմաթիվ լեգենդներ են շրջանառվում, որոնք գրավել են նաեւ բրիտանացի հայտնի ֆանտաստ գրող Արթուր Քլարկին: Նա այդ խորհրդավոր վայրը համարել է «երկրագնդի կենտրոն»:
Ռտանը Կարպատյան լեռների մասն է եւ 1570մ բարձրությամբ բրգաձեւ լեռ է: Անսովոր ձեւի եւ մագնիսական ու գրավիտացիոն ձգողականության պատճառով լեռան վրայով օդանավեր չեն թռչում: Ռտանի ամենաբարձր կետի վրա գտնվում է Սբ Գեորգիի ժամամատուռը, տեղեկացնում է «Ռոսբալտը»:
Ինչ վերաբերում է ֆրանսիական Բյուրգաշ լեռանը, ապա կարծիք կա, որ դեկտեմբերի 21-ին լեռան վրա կիջնեն այլմոլորակայինները եւ կփրկեն երկրացիներին:
Բացի եվրոպական այս երկու լեռներից, մեծ պահանջարկ են վայելում նաեւ Թուրքիայի Շիրիջե գյուղը, որտեղ, ըստ լեգենդին, Սբ Մարիամը երկինք է համբարձվել: Կարծիք կա, որ այդ վայրը դրական էներգիա ունի, որը կարող է փրկել արմագեդոնի ժամանակ:
