Նախընտրելի
Երուսաղեմի հայկական վանքերը եւ գերեզմանները ենթարկվել են վանդալների հարձակումներին, հայտնում է «Ֆրանս պրեսը»:
Գիշերը հայկական գերեզմանի մուտքի դարպասներին վանդալները Հիսուս Քրիստոսին եւ Կույս Մարիամին անարգող մակագրություններ են թողել եբրայերենով: Նույն մակագրությունը կրկին եբրայերենով թողնված է եղել հունական ուղղափառ եկեղեցում, պատմել է ոստիկանության մամլո քարտուղար Լյուբա Սամրին:
Թողնվել են նշաններ, որոնք բնորոշ են իսրայելական ծայրահեղականներին, հայտնում է Ֆրանս պրեսը:
Հարձակումները սովորաբար կապված են վանդալիզմի կամ պաղեստինյան սեփականության ոչնչացման հետ: Ոստիկանությունը խոստովանում է, որ իրենց հազվադեպ է հաջողվում բռնել վանդալներին:
«Ֆրանս պրեսի» լուսանկարում պատկերված է ծեր հայուհի՝ հարձակման ենթարկված հայկական գերեզմանոցի գերեզմանաքարի մոտ:
