Նախընտրելի
Եվրախորհրդարանի լիագումար նիստում ընդունվել է Եվրամիության 2013 թ. փոխզիջումային բյուջեն և 6 մլրդ եվրոյի չափով 2012 թ. բյուջեի լրացումները:
Եվրահանձնաժողովը նոյեմբերի վերջին ներկայացրել է Եվրամիության հաջորդ տարվա բյուջեի նոր նախագիծը, որը չէր տարբերվում նախկին առաջարկից: Եվրահանձնաժողովը ստիպված էր ներկայացնել բյուջեի նոր նախագիծը, քանի որ ԵՄ երկրների ճյուղային նախարարների խորհուրդն ու Եվրախորհրդարանը չէին համաձայնեցրել նախնական փաստաթուղթը տեխնիկական պատճառներով:
Եվրախորհրդարանի կողմից պաշտոնապես հավանության արժանացած 2013 թ. բյուջեի ծախսային մասը կազմում է 132,8 մլրդ եվրո (պլյուս 2,4% ընթացիկ տարվա բյուջեին – խմբ.), եկամտային մասը` 150,9 մլրդ եվրո ( պլյուս 1,6% ), հաղորդում է «Փրայմը»-ը:
