Նախընտրելի
Գիտնական-աստղագետները Hubble հեռադիտակի օգնությամբ մինչ այժմ գիտությանն անհայտ յոթ նոր գալակտիկա են հայտնաբերել:
NASA-ից հայտնել են, որ դրանք վաղ շրջանի գալակտիկաներ են, որոնք, կարելի է ասել, ժամանակակից գալակտիկաների առաջացման հիմքն են:
Բաց գալակտիկաները ձեւավորվել են մոտ 14 մլրդ տարեկան Տիեզերքի առաջացումից գրեթե անմիջապես հետո: Ընդ որում՝ գալակտիկաներից մեկը կարող է նախկինում հայտնաբերվածներից հնագույնը դառնալ. այն առաջացել է Տիեզերքի ձեւավորումից՝ Մեծ պայթյունից 370 մլն տարի անց, իսկ այդ յոթից «ամենաերիտասարդը»՝ 600 մլն տարի անց, հայտնում է «Ինտերնովոստին»:
Յոթ նոր գալակտիկաները կարող են լույս սփռել Տիեզերքի չուսումնասիրված, «մութ ժամանակների» վրա՝ Մեծ պայթյունից մոտ 200 մլն տարի անց:
