50 տարի հետո ԱՄՆ-ի բնակչության գերակշռող մասն այլեւս սպիտակամորթները չեն լինի: Այդ ռասայի թվաքանակն իր գագաթնակետին կհասնի 2024 թ., այնուհետեւ կսկսի նվազել` 2060 թ. հասնելով որոշիչ կետի. այդ ժամանակ սպիտակամորթների քանակն ամերիկացիների շրջանում  64%-ից (197,8 միլիոն մարդ)  կնվազի մինչեւ 43%-ի: Միաժամանակ, «գունավոր» բնակչության թիվը 37%-ից կհասնի մինչեւ  57%-ի, ասված  է ամերիկյան մարդահամարի բյուրոյի հրապարակած կանխատեսման մեջ:

Մասնավորապես, աֆրոամերիկացիների մասնաբաժինը կկազմի 14,7%: Ամենամեծ դինամիկան կդիտվի նաեւ լիտինամերիկացիների եւ ասիացիների շրջանում: Առաջինները ներկայումս կազմում են ԱՄՆ-ի բնակչության 17%-ը, իսկ 2060թ. կկազմեն  31%-ը: Լատինամերիկյան արմատներ կունենա ԱՄՆ-ի համարյա յուրաքանչյուր երրորդ բնակիչը, հայտնում է  NEWSru.com-ը:

Նման իրադրություն կդիտվի նաեւ ասիական արմատներ ունեցող ամերիկացիների դեպքում: Նրանց քանակը կաճի 5-8%-ով: Ըստ վիճակագիրների` դրա հիմնական պատճառը ներգաղթը չէ, այլ ներգաղթածների շրջանում բարձր ծնելիությունը: