Նախընտրելի
Intel-ը ներկայացրել է ժամանակակից պրոցեսորների նոր շարքը` Intel Atom S1200-ը: Ընկերությունում պնդում են, որ դրանք «աշխարհում առաջին սերվերային մակարդակի 6-վատտանոց պրոցեսորներն են»: Վերլուծաբանների կարծիքով` նորույթով Intel-ը ամիսներով, անգամ տարիներով, հեռացավ բրիտանական «ARM Holdings» ընկերությունից, որը դեռ փորձարկում է ARM պրոցեսորներով սերվերները:
Intel-ի նոր միաբյուրեղ համակարգերը (Centerton կոդային անվանումով) ունեն ֆիզիկական երկու միջուկ: Ներկայացված երեք պրոցեսորներից միայն մեկն ունի TDP ` 6Վտ-ին հավասար. դա Intel Atom S1240-ն է:
Intel-ն արդեն աշխատում է Atom պրոցեսորների հաջորդ սերնդի վրա: Նոր մշակումները կներկայացվեն 2013 թ-ին եւ դրանում կօգտագործվեն 3-D Tri-gate տրանզիստորներ:
Intel-ի հաշվարկներով` ապագայում բոլոր սերվերային համակարգերի մինչեւ 10%-ը կկազմվի տնտեսող միկրոսերվերային պլատֆորմերով, փոխանցում է Рussianelectronics.ru-ն:
