Դեկտեմբերի 19-ին Միջազգային տիեզերակայան կուղեւորվեն Ռոսկոսմոսի տիեզերագնաց Ռոման Ռոմանենկոն, Կանադայի Տիեզերական գործակալության աստղագնաց Քրիս Հեդֆիլդը եւ ՆԱՍԱ-ի աստղագնաց Թոմաս Մաշբերնը: 

Համատեղ մամուլի ասուլիսում անձնակազմի անդամները պատմել են, որ իրենց միավորում է  ոչ միայն աշխատանքը, այլեւ ընկերական ջերմ հարաբերությունները, որոնք մտադիր են պահպանել նաեւ հետագայում: Անձնակազմը մտադիր է ՄՏԿ-ում նշել Սուրբ ծնունդը՝ որպես «մեկ ընտանիք»: 

Vesti.ru-ն հայտնում է, որ ՄՏԿ ուղեւորվող անձնակազմը շատ երաժշտական է, իր հետ ուղեծիր է տանում կիթառ եւ շրթհարմոն: 

Դրա հետ կապված, Ղազախստանի որոնողափրկարարական ծառայության ներկայացուցիչները տիեզերագնացների համար նվեր էին պատրաստել՝ անգլերեն երգ, որը կատարել են հենց մամուլի ասուլիսի ժամանակ:

«Սոյուզ ՏՄԱ-07Մ» տիեզերանավի մեկնումը նախատեսված է դեկտեմբերի 19-ին, ժամանումը՝ դեկտեմբերի 21-ին: