նախընտրելի դարձնել
ԱՄՆ-ի նախագահ Բարաք Օբաման օրենք է ստորագրել, որը Պետդեպարտամենտին պարտավորեցնում է քայլեր ձեռնարկել «արեւմտյան կիսագնդում Իրանին հակազդելու» ուղղությամբ։
«Արեւմտյան կիսագնդում Իրանին հակազդելու» մասին օրենքն ԱՄՆ-ի օրենսդիրներն ընդունել էին այս տարի։ Այն ԱՄՆ-ի Պետդեպին կոչ է անում 180 օրվա ընթացքում տարածաշրջանում «Իրանի թշնամական աճող ներկայությանն ու աշխուժությանը» հակազդելու ռազմավարություն մշակել։
Փաստաթղթում ասվում է, որ ազգային անվտանգության դեպարտամենտը պետք է հատուկ ուշադրություն դարձնի ԱՄՆ-ի հետ Կանադայի եւ Մեքսիկայի սահմանի անվտանգությանը՝ կանխելու Իրանի գրոհայինների մուտքը Նահանգներ, գրում է MIGNews-ը։
Լատինական Ամերիկայի վերաբերյալ փաստաթղթի տեքստում միջգերատեսչական միջոցներ են նախատեսված՝ «ահաբեկչության դեմ պայքարին եւ ծայրահեղականությանը հակազդելուն զուգահեռ»։ Այսկերպ ԱՄՆ-ն տարածաշրջանում Իրանի ազդեցությունը նվազեցնելու հույս ունի։
