նախընտրելի դարձնել
Իրանի միջուկային ծրագրի շուրջ բանակցությունների անցկացման վայրը եւ ամսաթիվը դեռեւս համաձայնեցված չեն: Այդ մասին «Ռեյտեր» գործակալությանը հայտնել է ԵՄ արտասահմանյան գործերով եւ անվտանգության քաղաքականության հարցերով գերագույն ներկայացուցչի մամուլի քարտուղար Մայքլ Մաննը:
Ըստ նրա` որոշակի վայրի եւ ամսաթվի շուրջ երկխոսությունը շարունակվում է, հաղորդում է ԻՏԱՌ-ՏԱՍՍ-ը: «ԵՄ-ի եւ Իրանի ներկայացուցիչները դեկտեմբերի 31-ին հանդիպել էին բանակցությունների հաջորդ փուլի քննարկման համար, որը, հուսով ենք, կսկսվի մոտ ժամանակներս», - ասել է Մաննը:
Ավելի վաղ Իրանի ազգային անվտանգության Գերագույն խորհրդի քարտուղար Սայիդ Ջալիլին հայտնել էր, որ իր երկիրը պատրաստ է երկխոսությունը վերսկսել հունվարին: «Իրանը համաձայնել էր, որ բանակցությունները պետք է անցկացվեն հունվարին, սակայն հանդիպման մանրամասները դեռեւս հստակ չեն», - հայտարարել է նա:
