Հունվարի 9-ին Ապոֆիս երկնաքարը կթռչի Երկրի կողքով` մոտենալով  14,46 միլիոն կմ: Տիեզերական մարմնի այդ թռիչքը  մոլորակի համար վտանգավոր չէ, սակայն  դրա հետագա մերձեցումը կարող է հետեւանքներ ունենալ:

Ըստ NASA-ի տվյալների` արդեն  2029թ. 300 մ-անոց աստղաքարը կթռչի ընդամենը  36 հազար կմ հեռավորությունից:

Ուսումնասիրողները չեն բացառում, որ ավելի մանր երկնաքարերը կարող են մտնել մթնոլորտ կամ էլ հարվածել մի քանի արբանյակների: Սակայն ավելի կարեւորն այն է, որ Երկրի ձգողականությունը կարող է փոփոխել երկնաքարի  հետագիծը եւ իր հաջորդ թռիչք ժամանակ` 2036թ., այն կարող է բախվել Երկրին, հայտնում է  «Ռոսբալտը»:

Տիեզերական մարմնի տեղաշարժին հետեւելու համար ռուս գիտնականները նախատեսում են 2020թ.-ից հետո հատուկ սարք ուղարկել, որը թույլ կտա  ավելի  հստակ հաշվարկել երկնաքարի ուղեծիրը եւ Երկրի ձգողականության ազդեցությունը դրա վրա:

Երկնային մարմնի այս թռիչքին կհետեւի Slooh Space Camera հեռադիտակը: Երկնաքարի մոտեցումը կարելի է դիտել slooh.com կայքում: