«Apple» ընկերությունը հունվարի 29-ին պաշտոնապես ներկայացրել է 128 գեգաբայթ հիշողությամբ  «iPad» պլանշետը:

Պլանշետը գործում է  «iOS 6.1» օպերացիոն համակարգով, որը թողարկվել է հունվարի 28 –ին: Սարքը պատկանում է  «iPad»-ի չորրոդ սերնդին. ունի նույնպիսի բնութագրիչներ, ինչ  2012 թ.  հոկտեմբերին ներկայացված պլանշետը:

Նոր սարքը վաճառքում  կլինի փետրվարի 5-ից: «Wi-Fi»-ով տարբերակը ԱՄՆ-ում կարժենա 799 դոլար,  իսկ «Wi-Fi»-ով եւ բջջային մոդուլով տարբերակը` 929 դոլար, հաղորդում է  «Լենտան»: