Նախընտրելի
«Google» ընկերությունը ծրագրում է «Google Glass» ակնոցները հագեցնել ոսկրային հաղորդակցությամբ ականջակալներով: «Google»-ի ծրագրի մասին հայտնի է դարձել ԱՄՆ կապի դաշնային հանձնաժողովին (FCC) ընկերության հանձնած փաստաթղթերից:
Ըստ «The Verge»-ի` հայտում նշվում է, որ ակնոցները կունենան «տատանման էլեմենտ», որը հնչյունը օգտագործողին փոխանցելու է «գլխի հետ շփման» միջոցով: Ձեւակերպումից կարելի է դատել, որ կկիրառվի ոսկրային հաղորդակցության սկզբունքը: Այդ ականջակալները պետք է դնել ոչ թե ականջներին, այլ այտոսկրին, պարզաբանում է «DpLike.ru»-ն:
«Google»-ի ակնոցները ներկայացվել էին 2012թ. I/O համաժողովին: Այն ժամանակ ընկերությունը հայտարարեց, որ ծրագրավորողների համար նախատեսված «Google Glass»-ի տարբերակը վաճառքի կհանվի 2013թ-ին: Ակնոցները կարժենան մեկուկես հազար դոլար:
