Նախընտրելի
ԱՄՆ-ի Հանրապետական կուսակցության անդամ Ջասթին Էմաշը ռասիզմի մեջ է մեղադրել կուսակից սենատոր Ջոն Մաքքեյնին, որն Իրանի նախագահ Մահմուդ Ահմադինեժադին համեմատել էր կապիկի հետ:
«Ահմադինեժադը ցանկանում է դառնալ առաջին իրանցին տիեզերքո՞ւմ, նա նախորդ շաբաթ այնտեղ չէ՞ր», - իր միկրոբլոգում Իրանի նախագահի հայտարարությունը մեկնաբանել էր սենատոր Ջոն Մաքքեյնը:
Հիշեցնենք, որ փետրվարի 4-ին Իրանի նախագահ Մահմուդ Ահմադինեժադը ցանկություն էր հայտնել դառնալ Իսլամական Հանրապետության առաջին տիեզերագնացը: Իսկ նախորդ շաբաթ Իրանը հայտնել էր տիեզերք կապիկի հաջող թռիչքի մասին:
Մաքքեյնի միկրոբլոգի ընթերցողներին դուր չի եկել համեմատությունը: Սենատորին մեղադրել են ռասիզմի մեջ:
Հաջորդ թվիթում Մաքքեյնը նույնիսկ ստիպված է եղել արդարանալ:
«Սոբեսեդնիկը» նշում է, որ հանրապետական սկանդալային սենատորն առաջին անգամ չի մեղադրվում ռասիզմի մեջ: 2008թ. նախագահի նախկին թեկնածուն հայտարարել էր, որ ՄԱԿ-ում ԱՄՆ-ի մշտական ներկայացուցիչ Սյուզան Ռայսը «խելքով չի փայլում»:
Սենատորը բազմիցս հանդես է եկել Իսլամական Հանրապետության ղեկավարության հասցեին կտրուկ հայտարարություններով: Բացի դրանից, նա «մեծ ությակից» Ռուսաստանի կրճատման կողմնակից է, նա նաեւ Ռուսաստանի ղեկավարությանը համեմատել էր Լիբիայում Մուամար Քադաֆիի վարչակարգի հետ:
