նախընտրելի դարձնել
Այաթոլլա Սաիդ Մուհամեդ Խարոզիին վերագրվող` հարեւանների նկատմամբ տարածքային հավակնությունների մասին հայտարարությունները մի փոքր տարօրինակ են հնչում: Այս մասին NEWS.am-ին ասաց ռուսաստանցի հայտնի քաղաքագետ, իրանագետ Կարինե Գեւորգյանը` մեկնաբանելով ադրբեջանական ԱՊԱ գործակալության հրապարակումը:
Համաձայն այդ հրապարակման` այաթոլա Խարոզին, ով պատրաստվում է առաջադրվել այս տարի կայանալիք նախագահական ընտրություններին, մտադիր է «Տաջիկստանից, Հայաստանից եւ Ադրբեջանից վերադարձնել իրանական հողերը»
Խոսելով ծրագրի մասին` իրանագետը նկատեց, որ այն անիրականալի է: «Իրանը պատրաստ չէ հարձակողական պատերազմներ մղել: Այդ սադրիչ հայտարարությունը նախատեսված է ներքին սպառման համար»,-նշեց փորձագետը` հիշեցնելով, որ Հայաստանն ու Տաջիկստանը ՀԱՊԿ անդամ են, իսկ դա հարաբերությունների բոլորովին այլ մակարդակ է:
Փորձագետը նախընտրեց առայժմ չխոսել Խարոզիի` ընտրություններում հաղթելու հեռանկարների մասին: Միաժամանակ նա կասկածի ենթարկեց ադրբեջանական մամուլի հրապարակումների արժանահատավությունը: «Բացառված չէ, որ իրականում այլ բան է ասվել, իսկ այստեղ պարզապես հայ-իրանական հարաբերություններում լարվածություն մտցնելու փորձ է»,-նշեց Կարինե Գեւորգյանը:
