Երբեք փոքր պետությունը չի կարող իրեն միացնել տարածքով եւ բնակչության թվով իրեն մեծապես գերազանցող պետության տարածքը:

Այդ մասին այսօր՝ փետրվարի 12-ի մամուլի ասուլիսում հայտնել է Հայաստանում  Իրանի Իսլամական Հանրապետության արտակարգ եւ լիազոր դեսպան Մուհամադ Ռեիսը՝ պատասխանելով հարցին, թե ինչպես կմեկնաբանի ադրբեջանական  կողմի պարբերաբար հնչեցրած հայտարարությունները Արեւմտյան Ատրպատականը  Ադրբեջանին միացնելու մտադրության վերաբերյալ: 

Դեսպանը հիշեցրել է, որ Ադրբեջանն իբրեւ պետություն հիմնադրվել էր 1918թ.:

 «Միայն Արեւմտյան Ատրպատականի բնակչությունը մեծապես գերազանցում է Ադրբեջանի Հանրապետության բնակչության թվին: Արեւմտյան եւ Արեւելյան Ատրպատական նահանգները Իրանի կարեւոր շրջաններից են եւ նրա անպառակտելի մասը», - ընդգծել է իրանցի դիվանագետը:

 

Լուսանկարը՝ Արսեն Սարգսյանի / NEWS.am