նախընտրելի դարձնելԼիբանանում իրանցի բարձրաստիճան զինվորական, Իսլամական հեղափոխության պահապանների կորպուսի ներկայացուցիչ է սպանվել: Այդ մասին հայտնում է AP-ը` վկայակոչելով իրանական լրատվամիջոցներին:
Mashreghnews.ir-ը հայտնում է, որ գեներալ Հասան Շատերին (Hassan Shateri) Լիբանանում սպանվել է «սիոնիստական վարչակարգի վարձկանների կողմից»: Նրա մահվան այլ հանգամանքներ չեն հաղորդվում:
Ըստ գործակալության տեղեկության` գեներալ Շաթերին Լիբանանում Իսլամական հեղափոխության պահապանների կորպուսի հրամանատարն էր եւ վերահսկում էր Թեհրանի ֆինանսավորած մի շարք նախագծերի իրականացումը, հաղորդում է «ՌԻԱ Նովոստին»:
Հաղորդվում է նաեւ, որ Իսլամական հեղափոխության պահապանների կորպուսի կազմում «Կոդս» հատուկ նշանակության ուժերի ղեկավար գեներալ Քասեմ Սուլեյմանին այցելել է զոհվածի տուն՝ընտանիքին ցավակցություն հայտնելու նպատակով:
