D-Link ընկերության հայաստանյան ներկայացուցչությւոնը պարզաբանումներ է ուղարկել Արմեն Շահնազարյանի լրատվամիջոցներին տրված պարզաբանումների կապակցությամբ: Պարզաբանման մեջ, մասնավորապես, նշված է.

- Դ-Լինկ ընկերության հետազոտական կենտրոնը Հնդկաստանից տեղափոխվում է Հայաստան,

- հետազոտական կենտրոնը տեղաբաշխվելու է մասամբ Գյումրու տեխնոպարկին հարակից տարածքում Դ-Լինկ միջոցներով կառուցվելիք շենքում, մյուս մասով՝ Երեւանում արդեն իսկ ձեռքբերված շենքում, 

- 2013թ. ընթացքում նախատեսվում էր մինչեւ 107 ծրագրավորողների ընդունել աշխատանքի, 900 ԱՄՆ դոլարին համարժեք միջին աշխատավարձով,

- պատրաստված կադրերի բացակայության պատճառով ծրագրերում որոշակի փոփոխություններ են տեղի ունեցել: 2013 թվ. ընթացքում նախատեսվում է աշխատանքի ընդունել 64 ծրագրավորողի,

- զուգահեռաբար, Երեւանի եւ Գյումրու տարբեր ուսումնական հաստատությունների ուսանողների հետ կիրականացվեն հատուկ ուսուցողական ծրագրեր՝ համապատասխան մասնագետներ պատրաստելու նպատակով,

- ծրագրերի իրականացման ձգձգումը կապված էր զուտ օրենսդրական խնդիրների հետ: Համապատասխան որոշումներն արդեն իսկ կայացված են եւ որեւէ խոչընդոտ այլեւս գոյություն չունի:

Նշենք նաեւ, որ Ա. Շահնազարյանը, անդրադառնալով Հնդկաստանում հետազոտական կենտրոնի փակման պատճառներին, ասել էր նաեւ, որ հնդիկները «փնթի են աշխատում»: