նախընտրելի դարձնելSpaceX ընկերության մասնագետներին հաջողվել է վերականգնել Dragon-ի բոլոր շարժիչների աշխատանքը: Տիեզերանավը դուրս է եկել կառավարվող թռիչքի, ասված է ընկերության հիմնադիր Էլոն Մասկի միկրոբլոգում:
Ավելի ուշ նա հայտնել է, որ ինժեներներն արդեն ձեռնամուխ են եղել սարքն ավելի բարձր ուղեծիր դուրս բերելու աշխատանքներին, հայտնում է rbc-ն:
ԻՏԱՌ-ՏԱՍՍ-ը հաղորդում է, որ Dragon բեռնատար տիեզերանավը սովորական ռեժիմով շարժվում է դեպի ՄՏԿ:
Space Exploration Technologies ամերիկյան ընկերության տիեզերանավի մեկնարկը տեղի էր ունեցել մարտի 1-ին` ԱՄՆ-ի Արեւելյան ափի ժամանակով ժ. 10:10 (Երեւանի ժամանակով` 19:10), Կանավերալից: Falcon-9 հրթիռակրի արձակումից 10 րոպե անց անօդաչու բեռնատար տիեզերանավում անսարքություն էր ծագել. չէին գործել չորս շարժիչներից երեքը: Երկու ժամ անց Space X-ի մասնագետներին հաջողվել էր վերացնել անսարքությունը:
Սկզբնապես ՄՏԿ-ին միակցումը նախատեսվել էր մարտի 2-ին: NASA-ում ճշտել են, որ այժմ այն տեղի կունենա մարտի 3-ի առավոտյան:
Dragon-ը կայան է տեղափոխում բեռներ, այդ թվում գիտական սարքավորումներ եւ ապրանքներ` 600 կգ քաշով: Իսկ Երկիր կբերի փարձարկումների արդյունքները, անպետք սարքեր եւ աղբ: Տիեզերանավը պետք է վայրէջք կատարի մարտի 25-ին` Քալիֆորնիայից ոչ հեռու:
