նախընտրելի դարձնելGoogle Reader-ի RSS-ը 2013թ. հուլիսի 1-ին կփակվի, հայտնում է Google-ի պաշտոնական բլոգը:
Ըստ հաղորդագրության` վերջին տարիներին այդ ծառայությունից օգտվելու ակտիվությունը նվազել է: Օգտվողներն իրենց տվյալները կարող են դուրս բերել հատուկ ցանցով: Բացի RSS-ից, ընկերությունն առաջիկայում կփակի եւս յոթ արտադրանք:
Մասնավորապես հունիսի 1-ին կջնջվի Google Building Maker-ը, որը հնարավորություն էր տալիս ստեղծել շենքերի 3D-մոդելներ՝ Google Maps եւ Google Earth քարտեզագրական ծառայությունների համար: Մարտին ընկերությունը կդադարեցնի Google Voice-ը BlackBerry սարքերի համար եւ Snapseed-ը Windows-ի եւ Mac OS X-ի համար:
Ապրիլին կդադարեցվի Google Cloud Connect-ի աշխատանքը, որը օգտվողներին հնարավորություն էր տալիս Microsoft Office-ի փաստաթղթերը պահել «ամպում»: Ընկերությունն առաջարկում է դրա փոխարեն օգտագործել Google Drive-ը: Մյուս երեք արտադրանքները, որնց փակումը նախատեսված է սեպտեմբերի 16-ին, նախատեսված են ծրագրավորողների համար:
Google Reader-ը մեկնարկել էր 2005թ.: Google Reader-ի տվյալները կիրառվել են մի շարք կողմնակի ծառայությունների կողմից, այդ թվում` բջջային հաճախորդների:
