նախընտրելի դարձնելԻրանի ռազմաօդային ուժերի կործանիչը Պարսից ծոցի չեզոք ջրերի տարածքոմ փորձել է զավթել ԱՄՆ-ի անօդաչու թռչող սարքը, հայտնում է Պենտագոնը:
Իսլամական Հանրապետության հարձակումն ապարդյուն է եղել. ամերիկյան անօդաչու թռչող սարքին օգնության են հասել այդ երկրի երկու այլ օդանավեր, եւ Իրանի կործանիչը ստիպված է եղել վերադառնալ իր երկրի օդային տարածք, հայտնում է rbc-ն:
Հիշեցնենք, որ վերջին ամիսներին Թեհրանը մի քանի անգամ հայտարարել էր ամերիկյան անօդաչու թռչող սարքերի զավթման մասին: Ներկայիս դեպքն Իրանի իշխանությունները ոչ մի կերպ չեն մեկնաբանել:
Թեհրանը նախատեսում է սկսել սեփական անօդաչու թռչող սարքերի արտադրությունը: Իրանի իշխանությունները մտադիր են սկսել երկրի տարածքում մեկ տարի առաջ խփած RQ-170 Sentinel անօդաչու թռչող սարքի պատճենների արտադրությունը:
