նախընտրելի դարձնելԱՄՆ-ի նախագահ Բարաք Օբաման Մերձավոր Արեւելք մեկնելուց երկու օր առաջ Իրանին կոչ է արել անհապաղ եւ վճռական քայլեր ձեռնարկել միջուկային ծրագրի հարցով համաձայնության գալու նպատակով:
Նովրուզի տոնի առթիվ տեսաուղեձում Օբաման հայտնել է, որ եթե Թեհրանը նման քայլեր ձեռնարկի, ապա Իրանի ժողովուրդը կտեսնի ավելի ընդլայնված առեւտրային հարաբերությունների առավելությունն այլ երկրների հետ, այդ թվում՝ ԱՄՆ-ի, հաղորդում է BBC-ի ռուսական ծառայությունը:
Մարտի 20-ին իր նախագահության ընթացքում առաջին անգամ Օբաման այցով կժամանի Իսրայել, որի ընթացքում քննարկման գլխավոր թեման կդառնա Իրանի շուրջ իրավիճակը:
Անցյալ շաբաթ Օբաման նորից հայտարարել էր, որ Իրանին թույլ չի տա միջուկային զենք ստեղծել, նաեւ ընդգծել էր, որ տվյալ խնդրի լուծման համար կարեւոր է շարունակել Թեհրանի նկատմամբ դիվանագիտական ճնշումը:
