նախընտրելի դարձնել«ԱրմենՏել» ընկերությունը (ապրանքանիշը Beeline) հայտարարում է «Twitter SMS-ի միջոցով» ծառայության մեկնարկի մասին: Միանալով այս ծառայությանը` Beeline բջջային կապի բաժանորդները կարող են հետեւել Twitter միկրոբլոգերում գրված նորություններին եւ շփվել ընկերների հետ կարճ հաղորդագրությունների միջոցով:
«ԱրմենՏել» ընկերությունը կարեւորում է նորարարական ծառայությունների ներդնումն, որը հնարավորություն է տալիս Beeline բաժանորդներին հետեւել սոցիալական ցանցերում իրենց ընկերների հաղորդագրություններին ոչ միան բջջային ինտերնետի, այլ նաեւ SMS հաղորդագրությունների միջոցով: «Twitter SMS-ի միջոցով» ծառայությունը Twitter-ի օգտատերերին թույլ է տալիս կարդալ լրահոսը եւ միշտ լինել կապի մեջ ընկերներ հետ», - նշեց «ԱրմենՏել» ՓԲԸ Գլխավոր տնօրենի ժամանակավոր պաշտոնակատար Կարեն Շախնազարյանը:
Բջջային հեռախոսներից ծառայությունն ակտիվացնելու համար անհրաժեշտ է ուղարկել հաղորդագրություն Start տեքստով 40404 կարճ համարին եւ այնուհետ հետեւել պատասխան հաղորդագրությունում նշված ցուցումներին:
Twitter-ում կարելի է տեղադրել հաղորդագրություն ուղարկելով թվիթի տեքստը 40404 կարճ համարին: Մեկ ելքային հաղորդագրության արժեքը 9 դրամ է, իսկ մուտքային հաղորդագրություններն անվճար են:
Նշենք, որ «ԱրմենՏել» ընկերությունը 2012թ. աշնանը գործարկել է «ՎԿոնտակտե» եւ «Օդնոկլասսնիկի» SMS ծանուցում ծառայություններն, իսկ ավելի վաղ նման ծառայություն գործարկվեց Facebook սոցիալական ցանցի համար, ինչպես նաեւ Beeline բաժանորդներին հնարավորություն է ընձեռվել օգտվել 0.facebook.com անվճար բջջային տարբերակին հասանելիության ծառայությունից: 2011թ-ի դեկտեմբերին Beeline բաժանորդների համար գործարկվել է «Մոյ Միռ» սոցիալական ցանցում «SMS-ծանուցում» ծառայությունը:
«Twitter SMS-ի միջոցով» ծառայությունը կարելի է նաեւ ակտիվացնել Twitter-ի օգտատերի անձնական էջի կարգավորումների միջոցով:
