ՆախընտրելիՀնդիկ ինժեներները ներքնազգեստ են ստեղծել, որը կարող է բռնաբարության զոհին օգնել զինաթափել հանցագործին եւ ոստիկանություն կանչել, հայտնում է The Times of India թերթը:
SHE-i (Society Harnessing Equipment)ի հեղինակը Չենայի քաղաքի ավտոմոբիլային ինժեներների խումբն է: Նրանց գլխում գաղափարը ծագել էր Հնդկաստանի բնակչուհիների եւ զբոսաշրջուհիների վրա հասարակական տրանսպորտում, տներում եւ հյուրանոցներում մի շարք աղմակահարույց հարձակումներից հետո, հաղորդում է NEWSru.com-ը:
Նախագծի հեղինակներից Մանիշա Մոհանը թերթին պատմել է, որ կանացի նորարարական ներքնազգեստը համալրված է GPS-ով եւ GSM-ով, ինչպես նաեւ ճնշման եւ էլեկտրահաղորդման սենսորներով, որոնք կարող են հաղորդել մինչեւ 3800 կՎտ լիցք:
Ըստ ստեղծողների՝ ներքնազգեստը պետք է սկզբում վախեցնի բռնաբարողին էլեկտրացնցմամբ, իսկ այնուհետեւ ոստիկանություն ազդանշան ուղարկի հանցագործության վայրի ճշգրիտ կոորդինատներով եւ SMS-հաղորդագրություն զոհի հարազատների բջջայիններին:
Այս պաշտպանական ներքնազգեստի ձեւանմուշը մրցանակ է ստացել 2013թ. տեխնոլոգիական զարգացումների մրցույթում՝ Հնդկաստանի մենեջմենթի ինստիտուտում: Թերթը գրում է, որ արտադրանքը շուտով կհայտնվի խանութներում:
Հիշեցնենք, որ Հնդկաստանում կանանց բռնության թեման հատկապես սուր հարձագանք է ստացել անցյալ տարվա դեկտեմբերին Դելիի ավտոբուսում 23-ամյա ուսանողուհու խմբակային բռնաբարությունից հետո:
