Հայկական արոտավայրերում իրանական ոչխարների եւ նրանց հետ միասին հովիվների «վերաբնակեցման» թեման վերջին շրջանում ակտիվորեն շրջանառվում է ադրբեջանական մամուլում: Հանդիսավոր հրապարկումներ եղան ադրբեջանական ծագումով իրանցի հովիվների բանակի` Հայաստան «այցի» կապակցությամբ, վերլուծական ստեղծագործություններ ներկայացվեցին Նյու Վասյուկիի ոճով` հովիվների կողմից Հայաստանի մի մասը «գրավելու» հեռանկարով: Սակայն ինչպես սովորաբար լինում է հարեւան երկրի «ստեղծագործող» շրջանակների դեպքում, հերթական անգամ «հոպ»-ը նախորդեց ցատկին: Եւ կրկին ավանդաբար` ջրափոսի մեջ:

Որքան էլ տարօրինակ է, այս անգամ իրանցի հովիվների «խոշոր» վերաբնակեցման «ծրագրի» հետ կապված սենսացիայի առաջնությունը պատկանում էր անգլալեզու «The Moscow Times»-ին: Հեղինակ Ջեյմս Բրուկի հոդվածի ենթադրությունները խանդավառությամբ վերցրեցին հարեւան երկրի լրատվամիջոցները:  Բրուկի մոտավոր հաշվարկներով, հայտարարված 5 մլն ոչխարհը պահելու համար անհրաժեշտ կլինի 10 հազար հովիվ,  եւ դրանք կլինեն էթնիկ ադևբեջանցիներ: Նրանք իրենց ընտանիքներով եւ որսաշներով կվերաբնակեցվեն Հայաստանում, իսկ թե ինչի հիման վրա են արված նման ենթադրությունները` մասնավորապես հովիվների թվաքանակի եւ նրանց էթնիկ պատկանելության մասին, Բրուկը լռում է:

Միաժամանակ, հոդվածում բերված փաստարկաները բավականին խախուտ են: Խնդիրն այն է, որ մինչ օրս գոյություն ունի ընդմենը մեկ փաստաթուղթ Հայաստան իրանական ոչխարներ ուղարկելու մասին` Սյունիքի մարզպետարանի պատավիրակության Իրանի Արեւելյան Ատրպատական կատարած այցի  արդյունքներով ստորագրված արձանագրությունը, որում արտահայտված են մտադրություններ` իրանական ոչխարներին հայկական արոտավայրերում արածացնելու մասով: Փաստաթղթում, ի դեպ, ոչ մի  խոսք չկա իրանա-ադրբեջանական հովիվների «վերաբնակեցման» մասին: NEWS.am-ին Հայաստանի տարածքային կառավարման նախարարությունից հայտնեցին, որ ոչ մի այլ փաստաթուղթ, առավել եւս` «համաձայնագիր», գոյություն չունի: Իսկ նման «գործարքը» ստորագրել են ընդամենը մարզային ներկայացուցիչները: Ի դեպ, «համաձայնագիր» կոչվող փաստաթղթում, որի անվանումը ոչ ճշգրիտ թարգամանության  արդյունք է, ընդամենն արձանագրվել են կողմերի միջեւ տեղի ունեցած բանակցությունների արդյունքները: