նախընտրելի դարձնելԼրատվամիջոցներին հայտնի է դարձել, որ «Apple» կորպորացիան «Apple A7» պրոցեսորների արտադրության պատվեր է տվել թայվանական «TSMC» ընկերությանը: Որոշումը, ամենայն հավանականությամբ, պայմանավորված է հիմնական մրցակցի` «Samsung Electronics»-ի ծառայություններից հրաժարվելու հանգամանքով:
Լրատվամիջոցները ենթադրում են, որ «Apple»-ի ընտրությունը կանգ է առել «TSMC»-ի վրա, քանի որ այն մեծ փորձ ունի տարբեր նշանակության միկրոսխեմաների արտադրության մեջ եւ բավականաչափ հզորություններ ունի «А7» պրոցեսորների թողարկման համար:
Նշվում է, որ խոշոր պատվիրատուի կորուստը կարող է նվազեցնել «Samsung»-ի արտադրական հզորությունները, ինչը բացասաբար կանդրադառնա էլկետրոնային հսկայի ֆինանսական վիճակի վրա: Նման իրավիճակից ելքը կարող է լինել նոր պատվիրատուի փնտրտուքը: Ի դեպ, այդ համատեքստում արդեն նշվում է «NVIDIA»-ն:
