նախընտրելի դարձնելԻրանի ազգային անվտանգության գերագույն խորհրդի քարտուղար եւ իրանական միջուկային ծրագրի հարցով միջազգային միջնորդների «վեցյակի» հետ գլխավոր բանակցող Սայիդ Ջալիլին հունիսի 14-ի նախագահական ընտրություններում մասնակցելու հայտ է ներկայացրել:
Ջալիլին մայիսի 11-ին ՆԳՆ-ում պաշտոնապես գրանցել է իր թեկնածությունը, հայտնում է «ՌԻԱ Նովոստին»:
Ջալիլին Իրանի ազգային անվտանգության գերագույն խորհրդի քարտուղարն է 2007թ.-ից: Նա զբաղեցրել է նաեւ արտգործնախարարի Եվրոպայի եւ Ամերիկայի երկրների գծով տեղակալի պաշտոնը:
Ջալիլին գլխավորում էր իրանական պատվիրակությունը միջազգային միջնորդների «վեցյակի» հետ բանակցություններում` ԱՄՆ-ի, Չինաստանի, Ռուսաստանի, Մեծ Բրիտանիայի, Ֆրանսիայի եւ Գերմանիայի:
