նախընտրելի դարձնելԽոշոր վթար է տեղի ունեցել Արեւմտյան Վիրջինիա նահանգի Airgas քիմիական ձեռնարկությունում. հզոր պայթյուն է հնչել, որին հետեւել է փոքր պայթյունների շարքը:
Պայթյունից հետո գործարանում հրդեհ է բռնկվել, որն այժմ արդեն մարվել է: Ըստ նախնական տվյալների` պատահարի հետեւանքով տուժել է երկու մարդ, որոնք երկուսն էլ ընկերության աշխատակից են, հաղորդում է rbc-ն: Շրջակա տների բնակիչները տարհանվել են:
Airgas-ը ԱՄՆ-ում քիմիական ապրանքների եւ արդյունաբերական գազի խոշորագույն մատակարարներից է: Ընկերության գրասենյակը գտնվում է Փենսիլվանիա նահանգում:
