նախընտրելի դարձնելԱՄՆ-ում առաջին անգամ Х-47В անօդաչու թռչող սարքի բարեհաջող թռիչք է իրականացվել՝ Ատլանտյան օվկիանոսում George H.W. Bush ավիակրի տախտակամածից:
Անօդաչու թռչող սարքն օդ է բարձրացել, որից հետո մի քանի մանեւրներ է գործել` ներառյալ պայմանական երկու վայրէջքներն ավիակրի վրա: Սակայն անօդաչու թռչող սարքն իրական վայրէջքը կատարել է Փաթաքսենթ Ռիվերում (Մերիլենդի նահանգ), որտեղ վերջին տարվա ընթացքում Northrop Grumman ընկերության արտադրութան այդ սարքի երկու փորձված նմուշներ են տեղակայված, հայտնում է ԻՏԱՌ-ՏԱՍՍ-ը:
Ըստ The New York Times թերթի` ամերիկյան նավատորմում պարզապես «Ռոբոտ» կոչվող Х-47В-ի տեխնիկական բնութագրերը նախկինում չլսված հնարավորություններ են ներառում, այդ թվում՝ միկրոալիքային զենքերի կիրառումը: Սովորական օդաչուին նման ճառագայթումը պարզապես կսպաներ:
Թեեւ, ըստ ԱՄՆ-ի ռազմածովային ուժերի պնդման, Х-47В-ն մշակվում է շուրջօրյա հետախուզության համար: Ըստ ռազմածովային ուժերի` Х-47В-ի թռիչքի հեռահարությունը 2100 ծովային մղոն է (շուրջ 4 հազար կմ)` 1200 մ բարձրության վրա: Թռիչքը կատարվում է ավտոմատ ռեժիմով` համակարգչային կառավարմամբ. օպերատորը միջամտում է միայն անհրաժեշտության դեպքում:
