նախընտրելի դարձնելԱՄՆ-ի Սենատում մայիսի 21-ին Apple ընկերության կողմից հարկերից խուսափելու գործով լսումներ կանցկացվեն:
Սենատորներին կպատասխանի ընկերության ղեկավար Թիմ Կուկը: Ըստ սենատորների՝ «խնձորային» ընկերությունը վերջին հինգ տարում ԱՄՆ-ի բյուջեին չի վճարել 44 մլրդ դոլար:
Սենատորները պարզաբանում են, որ ընկերության կիրառած սխեմայի էությունը եղել է օֆշորային գոտիներում դուստր ձեռնարկություններ գրանցելը:
Այդ ընկերությունները ոչ ԱՄՆ-ի բյուջեին են հարկեր վճարել, ոչ այն պետություններին, որտեղ գրանցված են: Օրինակ է բերվում Իռլանդիայում գրանցված ընկերությունը, որն աշխատակիցներ չուներ եւ որն ուղղակիորեն կառավարվում էր Քալիֆորնիայից, որտեղ գտնվում է Apple-ի գլխավոր գրասենյակը, գրում է utro.ru-ն:
Սակայն ոչ բոլորն են կարծում, թե Apple-ը խախտել է օրենքը: Ըստ փորձագետների՝ ընկերությունը պարզապես օգտվել է ամերիկյն հարկային օրենսդրության սողանցքերից:
