նախընտրելի դարձնելՖրանսիական նավթագազային Total ընկերությունը պետք է 398,2 միլիոն դոլար վճարի՝ ԱՄՆ-ի կողմից կաշառակերության վերաբերյալ մեղադրանքների հարցը կարգավորելու համար: Այս մասին ասված է Արժեթղթերի եւ բորսաների հանձնաժողովի հայտարարության մեջ: Ընկերությունը 245,2 միլիոն դոլար տուգանք կվճարի, ինչպես նաեւ կվերադարձնի ստացված 153 միլիոն դոլար ապօրինի եկամուտը:
Ըստ ԱՄՆ-ի իշխանությունների՝1995-2004թթ. Total-ը 60 միլիոն դոլար էր վճարել Իրանի կառավարության աշխատակցին, որն, օգտագործելով իր ազդեցությունը, ընկերությանն օգնել էր նավթի եւ գազի արդյունահանման երեք վայրերի շահավետ պայմանագրեր կնքել, հայտնում է rbc-ն:
Total-ը աշխարհում մեծությամբ հինգերորդ ուղղահայաց ինտեգրված նավթային ընկերությունն է եւ բիզնես է վարում 130 երկրներում: Կոնցեռնն ունի 93 հազար աշխատող:
