նախընտրելի դարձնել
Mail.Ru Group ընկերությունը հայտարարել է, որ «Որոնում Mail.Ru» ծառայությունը տեղափոխել է սեփական որոնողական տիրույթ: Ընկերության ներսում ստեղծված տեխնոլոգիաների շնորհիվ կմշակվեն օգտվողներից ստացված բոլոր որոնողական հարցումները: Մինչեւ հուլիսի 1-ը Mail.Ru-ն երկու որոնողական համակարգեր էր կիրառում. Google –ը եւ սեփական Go.mail.ru-ն: Որոնումների 60%-ը կատարվում էր Google որոնիչով, եւ միայն 40% -ը`Go.mail.ru-ով:
Mail.Ru որոնողական համակարգն Google տեխնոլոգիայով աշխատել է 2003-2009թթ., իսկ ավելի ուշ` 2010թ. հունվարից, հայտնում է CNews.ru-ն: Lenta.ru-ն նշում է, որ հիմնականում դրանք գլոբալ հարցումներ են եղել, մինչդեռ Go.mail.ru-ն որոնել է ռուսական տիրույթում: 2009-2010թթ. կայքն օգտագործել է «Յանդեքսի» որոնիչը, որից ստիպված է եղել հրաժարվել իր էջին ընկերության լոգոն հաստատելու պահանջի պատճառով:
Այսօր «Որոնում Mail.Ru» -ն ռուսական տիրույթի երրորդ որոնողական համակարգն է «Յանդեքսից» եւ Google-ից հետո, որի չափաբաժինն ըստ LiveInternet-ի, կազմում է համացանցի ռուսալեզու տիրույթում որոնումների 8,7%-ը:
