նախընտրելի դարձնել
Համակարգչային խաղերը նպաստում են ուղեղի զարգացմանը, վկայում է Դյուկի համալսարանի ամերիկացի գիտնականների հետազոտությունը:
Իրենց աշխատանքում մասնագետները փորձեր են կատարել դեռահասների մի քանի խմբերի շրջանում: Առաջին խմբում միայն խաղամոլներ են եղել, իսկ երկրորդում՝ նման ժամանցի հանդեպ անտարբեր մարդիկ:
Այնուհետեւ երկու խումբն էլ մի քանի թեսթ են անցել: Թեսթերից մեկը տեսողական հիշողությունն էր ստուգում. դեռահասներին ցույց էին տալիս «թարթող» տառեր, նրանք պետք է հիշեին դրանց հաջորդականությունը, այնուհետեւ վերարտադրեին: Պարզվել է, որ խաղամոլները բոլորից լավ են հաղթահարել այդ խնդիրը, հայտնում է KM.RU-ն:
Ըստ գիտնականների՝ նման տարբերությունը պայմանավորված է նրանով, որ խաղամոլների մոտ արագ է աշխատում տեսողական ընկալումը:
