Իրանի պաշտպանական արդյունաբերությունն  օպտիմալացրել է խորհրդային արտադրության զենիթահրթիռային Ս-200 համալիրները` կրճատելով դրանց արձագանքման ժամանակը, հայտնել է Իրանի ռազմաօդային ուժերի բրիգադային գեներալ Ֆարզադ Էսմայելին: Ըստ նրա`  կատարելագործման շնորհիվ զգալի կրճատվել է հրթիռի մեկնարկի համար անհրաժեշտ ժամանակը: 

Ըստ Էսմայելիի` զենիթահրթիռային համալիրների արձագանքման տեւողությունը կրճատվել է նվազագույնի:  Գեներալը նշել է, որ վերափոխված Ս-200-ն այժմ ունակ է ոչնչացնելու ոչ միայն ռազմավարական  բազմաթիվ  թիրախներ, այլեւ ունակ է թիրախների  պարամետրերը փոխանցել այլ հրթիռային համալիրներին: Համալիրներն ունակ են թիրախը ոչնչացնել  200-350 կմ հեռավորությունից, հայտնում է lenta.ru-ն` վկայակոչելով  FARS-ին:

Բացի զենիթահրթիռային համալիրները կատարելագործելուց, Իրանը վերափոխել է իր բոլոր ՌԼԿ համակարգերը, ինչպես նաեւ սկսել է արտադրել տարբեր հաճախականությամբ աշխատող սեփական  ռադարներ: