նախընտրելի դարձնել
Գերմանական Իլմենաու քաղաքում այս ամառ բացվել է «Robots Bar & Lounge» բարը, որտեղ այցելուներին սպասարկում է Կարլ անունով հումանոիդը:
Նա նախագծվել է ինժեներ Բեն Շեֆերի կողմից, որը ղեկավարում է մարդանման ռոբոտների արտադրության «H&S-Robots» ընկերությունը: Կարլը կարողանում է ոգելից խմիչքներ լցնել, կոկտեյլներ պատրաստել, ինչպես նաեւ կարճ զրույցի բռնվել հաճախորդների հետ:
«The Daily Mail»-ը գրում է, որ այն պատրաստվել է «KUKA» ընկերության հին ռոբոտների մասերից: Զրույցի նրա բառապաշարն առայժմ հարուստ չէ, սակայն հեղինակը նրան կատարելագործելու լուրջ մտադրություններ ունի: Շեֆերը պատրաստվում է նման ռոբոտներ ներդնել ռեստորանային բիզնեսում, տեղեկացնում է «NEWSru.com»-ը:
