նախընտրելի դարձնել
Հայաստանի Բյուրականի աստղադիտարանում միջազգային աստղաֆիզիկական կենտրոն կբացվի, ասօր՝ օգոստոսի 3-ին, լրագրողներին հայտնել է աստղադիտարանի տնօրեն Հայկ Հարությունյանը։ Համապատասխան պայմանագիր է ստորագրվել «Ռելյատիվիստական աստղաֆիզիկայի միջազգային կենտրոն-ցանցի» հետ:
«Հիմնական նպատակը կոնֆերանսների անցկացման, տարբեր երկրների գիտնականների համատեղ աշխատանքի հնարավորությունն է»,- հայտարարել է Հարությունյանը։
«Ծրագիրը նաեւ հաճախ արտասահման մեկնելու եւ գործընկերների հետ աշխատելու հնարավորություն կընձեռի։ Մենք շատ ուրախ ենք այս հնարավորության համար, քանի որ նախկինում այս հարցում մեր միջոցները սահմանափակ էին»,- հավելել է գիտնականը։
Բյուրականի աստղադիտարանը հիմնադրվել է 1946թ. եւ Արեւելյան Եվրոպայի կարեւորագույն աստղագիտական կենտրոններից է:
