2013 թ. 1-ին կիսամյակի ընթացքում Հայաստանի ոստիկանության ներքին անվտանգության վարչությունում կատարվել են 267 ծառայողական քննություններ եւ ուսումնասիրություններ, այդ թվում 8-ը՝ ոստիկանության այլ ծառայությունների հետ համատեղ:    

Ոստիկանության լրատվության վարչությունից հայտնում են, թե ներքին անվտանգության վարչության կատարած ծառայողական քննությունների եւ ուսումնասիրությունների արդյունքներով ոստիկանության 64 ծառայողներ ենթարկվել են կարգապահական տույժերի, այդ թվում՝

- հայտարարվել է նկատողություն`  26,                                 

- հայտարարվել է խիստ նկատողություն`  16,                       

- հայտարարվել է զբաղեցրած պաշտոնին անհամապատասխանության մասին` 3,

- ազատվել են ոստիկանությունում ծառայությունից`  19:        

ՀՀ ոստիկանության ծառայողների կողմից թույլ տրված օրինախախտումների փաստերով 2013 թ. 1-ին կիսամյակի ընթացքում ներքին անվտանգության վարչության կողմից նախապատրաստվել  եւ ՀՀ հատուկ քննչական ծառայության եւ այլ նախաքննական մարմինների քննարկմանն են ուղարկվել ծառայողական քննության 11 նյութեր: