նախընտրելի դարձնել
«SpaceX» ընկերության ղեկավար Էլոն Մասկը ներկայացրել է ապագայի տրանսպորտի «Hyperloop» նախագիծը, որը ենթադրում է քաղաքացիների փոխադրում խողովակաշարի համակարգով: Ուղեւորատար տրանսպորտի համակարգը նա համարել է «Կոնկորդի, ռելսոտրոնի եւ աերոհոկեյի հիբրիդ»:
Ենթադրվում է, որ ուղեորատար պատիճները կշարժվեն ժամում մինչեւ 1220 կմ արագությամբ ցածր ճնշմամբ հատուկ խողովակաշարով, որը գետնից հենասյուներով բարձրացված կլինի:
«Hyperloop» նախագիծը ենթադրում է ուղեւորների փոխադրման նոր համակարգի ստեղծում Լոս Անջելեսի եւ Սան Ֆրանցիսկոյի միջեւ, որոնց հեռավորությունը մոտ 600 կմ է: Նշված արագության դեպքում ճանապարհորդությունը քաղաքից քաղաք կտեւի ընդամենը 35 րոպե:
Լոս Անջելեսի եւ Սան Ֆրանցիսկոյի միջեւ «Hyperloop» համակարգի ստեղծումը գնահատվել է մոտ 6 մլրդ դոլար: Նման ծախսերի դեպքում տոմսի արժեքը մեկ ուղղությամբ կլինի մոտ 20 դոլար, հաղորդում է «Лента.Ру»-ն:
