նախընտրելի դարձնել
Աշխարհի հնագույն երկաթյա ուլունքները, որոնք Եգիպտոսում հայտնաբերվել էին անցյալ դարում, եկնաքարերից են պատրաստված եղել: Նման եզրահանգում են կատարել Լոնդոնի համալսարանական քոլեջի մասնագետները`5 հազար տարեկան ուլունքների բաղադրության մանրամասն հետազոտություն կատարելով: Ըստ գիտնականների` այդ զարդերը պատրաստվել են մարդու կողմից երկաթի հանքանյութն արտահանելուց 2 հազար տարի առաջ:
Հետազոտությունը ցույց է տվել, որ ուլունքներն ունեն նիկելի, կոբալտի, ֆոսֆորի եւ գերմանիումի բարձր տոկոս, որն էլ բնորոշ է երկնաքարի համար: Եթե զարդերը պատրաստված լինեին հանքաքարից , տվյալ տարրերը կհայտնաբերվեին մանրադիտակային քանակությամբ կդիտվեին, հայտնում է «Ռոսիյսկայա գազետան»:
Հին եգիպտացի վարպետներն աչքի են ընկել մեծ հմտությամբ: Նրանք սկզբում տափակեցրել են մետաղը, իսկ այնուհետեւ ոլորել այն:
Երկնաքարային ուլունքները հայտնաբերվել էին 1911թ.` Եգիպտոսի Ալ Գիրզայից ոչ հեռու, նախադինաստիական դարաշրջանի դամբարանում (մ. թ. ա. 6000 - 3100 տարի): Դրանք մանյակի մաս են կազմել` ոսկուց եւ թանկարժեք քարերից պատրաստված այլ ուլունքների հետ:
