նախընտրելի դարձնել
«ԱրմենՏել» ընկերությունը (ապրանքանիշը Beeline) պարգեւատրել է Facebook սոցիալական ցանցում ընկերության Beeline Armenia պաշտոնական էջում անցկացված «Այս ամռան ամենահիշարժան ակնթարթը» մրցույթի հաղթողներին:
Պարգեւատրման արարողությունը տեղի է ունեցել «ԱրմենՏել» ընկերության Հյուսիսային պողոտայում գտնվող Beeline վաճառքի եւ սպասարկման գրասենյակում, որտեղ հրավիրվել էին եզրափակիչ փուլ անցած բոլոր մասնակիցները:
«ԱրմենՏել» ընկերության Գլխավոր տնօրեն Անդրեյ Պյատախինը «Այս ամռան ամենահիշարժան ակնթարթը» մրցույթի հաղթող երեւանաբնակ Մովսես Աբրահամյանին հանձնել է գլխավոր մրցանակը` Samsung GT/P 7500 պլանշետ: Եզրափակիչ փուլ անցած 4 մասնակիցներ` Երեւանի եւ Կոտայքի մարզի բնակիչներ Արմինե Մամյանը, Անուշ Մուրադյանը, Արթուր Աբրահամյանը եւ Մայիս Համբարձումյանը պարգեւատրվեցին հուշանվերներով եւ պատվոգրերով: Հանձնաժողովի համակրանքին արժանացած երկու մասնակից` Ալեքսեյ Հայրապետովը եւ Արտակ Բարսեղյանը, ստացան խրախուսական նվերներ:
«ԱրմենՏել» ընկերության անունից շնորհավորում եմ մրցույթի հաղթողներին, ովքեր ցուցաբերցին յուրահատուկ ստեղծագործական մոտեցում եւ վառ երեւակայություն` կիսելով մեր հետ իրենց ամռան վառ ակնթարթները: Սոցիալական քաղաքականության շրջանակում մեր ընկերության հիմնական նպատակն է խրախուսել այն մարդկանց, ովքեր իրենց աշխատանքի շնորհիվ պարգեւում են ուրախություն շրջապատի մարդկանց եւ գեղեցկացնում նրանց կյանքը: Եղե´ք ավելի ակտիվ, հետեւե´ք Beeline Armenia էջի նորություններին, քանի որ ամենահետաքրքիր անակնկալները դեռ առջեւում
են», - նշել է «ԱրմենՏել» ընկերության Գլխավոր տնօրեն Անդրեյ Պյատախինը:
«Այս ամռան ամենահիշարժան ակնթարթը» խորագրի նեքո մրցույթն, որը նվիրված էր ամռան հետ կապված հետաքրքիր եւ ուշագրավ ակնթարթներին, մեկնարկել էր օգոստոսի 26-ին եւ անցկացվել է Beeline Armenia պաշտոնական էջում:
