նախընտրելի դարձնել
Google-ն էլեկտրոնային արխիվ է բացել, որտեղ հավաքված են աշխարհի տարբեր երկրների սահմանադրությունները: Ըստ ընկերության հաղորդագրության՝ այդ նախաձեռնության նպատակն է օգնել պետություններին իրենց սահմանադրությունները կազմելիս:
Արխիվը կարելի է ուսումնասիրել որոնողական համակարգի միջոցով, այնտեղ կգտնեն եւ կհամեմատեն տարբեր պետությունների հիմնական օրենքներում եղած առանձին դրույթները:
Նման արխիվը հատկապես կարեւոր է այն երկրների համար, որոնք վերջերս քաղաքական ճգնաժամ կամ ռազմական հակամարտություն են տեսել, հայտնում է BBC-ի ռուսական ծառայությունը:
Մասնավորապես, Նյու Յորքում արխիվի պաշտոնական բացմանը ներկա Թունիսի նախագահ Մոնսեֆ Մարզուկին ասել է, որ իր երկիրը նախատեսում է ակտիվորեն օգտվել արխիվից: Թունիսում քաղաքական ուժերը չեն կարողանում համաձայնության գալ նոր սահմանադրության նախագծի շուրջ, որի անհրաժեշտությունը ծագել էր 2011թ. հեղափոխությունից հետո:
