2014թ. Հայաստանի գիտահետազոտական ինստիտուտների աշխատակիցների աշխատավարձը կավելանա 10%-ով: Գիտությունների ազգային ակադեմիայի տնօրեն Ռադիկ Մարտիրոսյանը NEWS.am-ի թղթակցին հայտնել է, որ այդ նախագիծն ընդգրկվել է 2014թ. ԳԱԱ-ի բյուջետային հայտում:  «Այժմ մեր գիտնականների միջին աշխատավարձը կազմում է 80 հազար դրամ: Այդկերպ, այն պետք է դառնա  88 հազար դրամ», – նշել է Մարտիրոսյանը: Գիտական աստիճանի հավելավճարը նույնը կմնա. 10 հազար դրամ գիտությունների թեկնածուների եւ 20 հազար դրամ՝ դոկտորների համար:

ԳԱԱ-ի ընդհանուր բյուջետային հայտը նույնպես  ավելացվել է 10%-ով: Եթե 2013թ. այն հաստատվել էր 4 միլիարդ դրամի չափով (9,8 միլիոն դոլար), ապա 2014թ. այն պետք է կազմի  4,4 – 4,5 միլիարդ:

Նշենք, որ Հայաստանի գիտահետազոտական հաստատություններում ներկայումս աշխատում է շուրջ 5700գիտաշխատող, խորհրդային տարիներին նրանց թիվը  12000-ից անցնում էր: