նախընտրելի դարձնել
LG ընկերությունը իր նոր LG G2 սմարթֆոնի գովազդը տարածում է Samsung Galaxy-ից, iPhone-ից եւ HTC-ից օգտվողներին: Գովազդային հայտարարություններում ընկերությունը ծաղրում է մրցակից արտադրողների սմարթֆոնները:
Մասնավորապես Samsung Galaxy-ի տերերին հարցնում են, թե արդյոք շատ երկար չեն սպասում սմարթֆոնում տվյալների բեռնմանը: LG-ն վստահեցնում է, որ G2-ում հաստատված Snapdragon 800 պրոցեսորը 20%-ով ավելի արագ է աշխատում, գրում է gazeta.ru-ն՝ վկայակոչելով Business Insider-ը:
iPhone –ից օգտվողները գովազդային հայտարարությունն ստանում են՝ մանր տառատեսակով գրված, որտեղ հարց է տրվում, թե արդյոք շատ դժվար չէ դա կարդալը, չէ որ iPhone-ի 4 դյույմանոց դիսփլեյը չի կարող համեմատվել G2-ի հետ, որի տրամագիծը մեկ դյույմով ավելի է:
Վերջապես, HTC-ի տերերին հարցնում են, թե չեն հոգնել իրենց սմարթֆոնը լիցքավորելուց: Գովազդը պնդում է, որ G2-ի մարտկոցը 30% -ով երկար է աշխատում:
Գովազդային հայտարարությունների հեղինակն է Սթոքհոլմի M&C Saatchi ընկերությունը:
Ավելի վաղ Nokia –ն ծաղրել էր iPhone 5C սմարթֆոնները, որոնք առաջարկվում են հինգ տարբեր գույներով: Nokia-ի բրիտանական մասնաճյուղը իր թվիթերում Lumia-ի բազմագույն մոդելների նկարներն էր հրապարակել: «Շնորհակալություն, Apple»,– գրել էին Twitter-ում: «Նմանակումը գովասանքի լավագույն դրսեւորումն է»:
