Ուորրեն Բաֆետի Berkshire Hathaway հիմնադրամը բաժնետերերի համար շատ ավելի գրավիչ է, քան Apple ընկերությունը: Այս մասին, ինչպես հաղորդում է Bloomberg-ը, հայտարարել է Tiger 21 ակումբի ղեկավար Մայքլ Սոննեֆելդը, գրում է «Կոմսոմոլսկայա պրավդան»:

Վերջին երկու տարիների ընթացքում Apple-ը Tiger 21-ի անդամների սիրելի ընկերությունն էր: Berkshire Hathaway-ը շրջանցել է վերջինիս, քանի որ Բաֆետի հիմնադրամի բաժնետոմսերը նախկինի պես գրավիչ են, մինչդեռ Apple-ի լավագույն ժամանակներն անցել են:

2013-ի սկզբին Apple-ի ակցիաները վաճառվում էին 600 դոլարից բարձր գնով, դրանից հետո դրանք սկսել են էժանանալ: Հոկտեմբերի 22-ի առք ու վաճառքի ժամանակ դրանց արժեքը կազմել է 514 դոլար:

Տարեսկզբին Berkshire Hathaway-ի բաժնետոմսերի արժեքը կազմել է 140 դոլար, մինչդեռ վերջին ամիսներին դրանց արժեքը հասել է 175 դոլարի: