նախընտրելի դարձնել
«ԱրմենՏել» ընկերության (ապրանքանիշը Beeline) աշխատակիցները, Հայաստանի մանուկներ հիմնադրամի եւ Լեռնագոգ համայնքի ներկայացուցիչների հետ մասնակցեցին ծառատունկին: «Թթվածին դպրոցին» ծրագրի շրջանակում վերակառուցվեց դպրոցի բակը եւ համալրվեց ոռոգման համակարգով, իրականացվեց ծառատունկ, աղբամանների եւ նստարանների տեղադրման աշխատանքներ: Բացի այդ ներկվեցին համայնքի գլխավոր փողոցներից մեկի դարպասները՝ ստեղծելով ավելի գրավիչ միջավայր: Միջոցառումն իրականացվում է համայնքների կայուն զարգացման եւ շրջակա միջավայրի պահպանմանն ուղղված գլոբալ ծրագրի շրջանակում:
«ԱրմենՏել» ընկերության սոցիալական քաղաքականության շրջանակում մշտապես առավելությունը տրվում է այն ծրագրերին, որոնք ուղղված են օգնելու մարդկանց փոխել իրենց կյանքը դեպի ավելի լավը: Հայաստանի մանուկներ հիմնադրամի հետ համատեղ իրականացված ծրագիրն այս ամենի վառ ապացույցներից մեկն է: Այսօր «ԱրմենՏել» ընկերության աշխատակիցները համայնքի երեխաների հետ միասին արեցին հնարավոր ամեն ինչ, որպեսզի դպրոցի շրջանավարտները հիշեն իրենց դպրոցն այնքան գեղեցիկ եւ խնամված, ինչպիսին մենք այն տեսնում ենք հիմա»,- ասել է «ԱրմենՏել» ընկերության Գլխավոր տնօրեն Անդրեյ Պյատախինը:
«Այսօր տեսա, թե ինչպես է իրականություն դառնում Հիմնադրամի առաքելությունը. երեխաները իրենք են նախաձեռնում իրենց միջավայրի բարելավմանն ուղղված քայլեր՝ առանց սպասելու մեր միջամտությանը: Երախտապարտ եմ, որ այս կարեւոր գործում մեր կողքին է նաեւ «ԱրմենՏել» ընկերությունը»,- ասել է Հայաստանի մանուկներ հիմնադրամի հիմնադիր եւ խորհրդի ատենապետ Գարո Արմենը:
2013 թվականի ընթացքում «ԱրմենՏել» ընկերությունն աջակցեց Արմավիրի մարզի Լեռնագոգ, Քարակերտ եւ Դալարիկ համայնքների բարեկարգման աշխատանքներին: Բոլոր հովանավորված ծրագրերն ընտրվել են «Ձեռներեցության ուսուցում եւ պրակտիկա պատանիների համար» ամառային դպրոց ծրագրի շրջանակում, որի նպատակն էր նպաստել պատանիների ինքնագիտակցության բարձրացմանը` ամրապնդելով սերը սեփական համայնքի նկատմամբ եւ պատրաստակամությունն անձնական մասնակցությամբ նպաստելու համայնքի զարգացմանը:
Նշենք որ, «ԱրմենՏել» ընկերությունը Հայաստանի մանուկներ հիմնադրամի հետ ունի համատեղ ծրագրերի իրականացման հարուստ փորձ: Համագործակցության շրջանակում իրականացվել են բազմաթիվ ծրագրեր, որոնք ուղղված են Հայաստանի մարզերում կրթական, բնապահպանական եւ սոցիալական խնդիրների լուծմանը:
