Google ընկերությունը ներկայացրել է նոր՝ Nexus 5 սմարթֆոնը եւ նորացված Android 4.4 KitKat օպերացիոն համակարգը:

Google Nexus 5-ն ունի 4,95 դյույմանոց էկրան՝ 1920х1080 պիքսել թողունակությամբ (նախորդ մոդելից մեծ է), քառամիջուկ Qualcomm Snapdragon 800 պրոցեսոր՝ 2 գբ օպերատիվ հիշողությամբ եւ առավել հզոր ուժակուտակիչ:

Սմարթֆոնն ունի 8 մեգապիքսելով հիմնական տեսախցիկ՝ օպտիկական կայունացման համակարգով:  Քաշը 9 գրամով թեթեւացել է:  ԱՄՆ-ում, Կանադայում, Անգլիայում, Ավստրալիայում, Ֆրանսիայում, Գերմանիայում, Իսպանիայում, Իտալիայում, Ճապոնիայում եւ Հարավային Կորեայում սմարթֆոնն արդեն ուրբաթ օրը վաճառքում կլինի՝ 649 դոլար արժեքով, հայտնում է gazeta.ru-ն՝ վկայակոչելով  The Wall Street Journal-ը:

Սմարթֆոնը Android 4.4 KitKat-ով աշխատող առաջին սարքն է: Առաջիկա շաբաթվա ընթացքում այն կիրառելի կլինի նաեւ  Google Nexus 4/7/10-ում, նաեւ՝  Google Play վարկածի  HTC One եւ Samsung GALAXY S4 սմարթֆոններում: KitKat-ը նախատեսված է առավել էժան սարքերի հետ աշխատելու համար՝ շնորհիվ հիշողության հանդեպ ավելի ճկուն պահանջների: