Ռումինացի գիտնականները ջրից, աղից եւ սպիտակուցից արհեստական արյուն են ստեղծել եւ հաջող փորձարկումներ կատարել մկների վրա:

Նախատեսվում են փորձարկումներ նաեւ մարդկանց մասնակցությամբ: Գիտնականները դրանք արդեն  2014-2015թթ. անցկացնելու հույս ունեն, հայտնում է  «Կոմսոմոլսկայա պրավդան»` վկայակոչելով Daily Mail-ը:

Հեռանկարում բժիշկները կարող են ստանալ ակնթարթորեն պատրաստվող «լուծվող» արյուն: Դոնորային արյունից կախում չունենալու համար բավական կլինի ընդամենը ջուր ավելացնել աղից  եւ երկաթ պարունակող շնչառական հեմերիտին սպիտակուցից կազմված խառնուրդին:

Մինչ այժմ արհեստական արյուն ստանալու փորձերն անհաջող էին: Վերջերս առավել հեռանկարային է համարվում ցողունաբջիջներից արյուն ստանալու փորձը: