Նախընտրելի
Գերմանացի գիտնականներն առաջարկում են միկրոսկոպիկ ռոբոտներ ստեղծել՝ սերմնաբջիջների հիմքով: Դրանց շարժումները կկառավարվեն մագնիսական դաշտի օգնությամբ:
Կենսաբաններն արդեն սովորել են կառավարել սերմնաբջիջների շարժումները՝ երկաթի եւ տիտանի մանրէաբանական սնամեջ խողովակներն օգտագործելու հաշվին, որոնք ունեն 50 միկրոմետր երկարություն եւ 8 միկրոմետր նեղացող տրամագիծ մի ծայրին եւ 5 միկրոմետր՝ մյուսին:
Նման վահանակում հայտնվելով՝ սերմնաբջիջներն արդեն չեն կարողանում դուրս գալ: Ընդ որում սերմնաբջջի պոչիկը մնում է դրսում եւ կարող է շարունակել իր շարժումը, որը կառավարում են գիտնականները՝ արտաքին մագիսական դաշտի օգնությամբ:
Ըստ գիտնականների՝ կառավարվող «սերմնառոբոտները» կարող են օգտակար լինել անպտղությունը բուժելիս, եւ ապագայում կարող են օգտագործվել դեղորայքի նպատակային առաքման համար, հայտնում է New Scientist-ը՝ վկայակոչելով Advanced Materials ամսագիրը:
Նշվում է, որ նախկինում սերմնաբջիջների շարժման կառավարումը հնարավոր էր միայն քիմիական գրադեիտներ ստեղծելու հաշվին:
