Հարավչինական գյուղատնտեսական համալսարանի աշխատակիցները խոճկորներ են ստեղծել, որոնք մթության մեջ կանաչ լույս են տալիս: Իրենց հայտնագործության համար գիտնականները օգտագործել են մեթոդիկա, որը մշակել է Հավայան համալսարանը:

Խոճկորների հետ էքսպերիմենտի համար օգտագործվել է ֆլուորեցենտային պրոտեինը, որը վերցվել է մեդուզաներից: Այդ պրոտեինը ներարկվել է խոճկորների սաղմի մեջ: Լույս աշխարհ եկած խոճկորները մթության մեջ լույս տալու ընդունակություն են ձեռք բերել:

Չինացի մասնագետներն իրենք զարմացել են ստացված արդյունքից:

Նշվում է, որ նոր խոզուկները ոչնչով չեն տարբերվում սովորական կենդանիներից ու շեղումներ չունեն:

Գիտնականների նպատակը արյան հիվանդությունների դեմ պայքարելու ոչ թանկարժեք ու արդյունավետ  միջոցի ստեղծումն էր: