նախընտրելի դարձնելԿալիֆորնիացի 45-ամյա տղամարդը նախկին կնոջ հետ վիճելուց հետո դիտավորյալ վրաերթի է ենթարկել եւ սպանել նախկին կնոջը պատկանող չիխուախուա տեսակի շանը:
Պատահարը տեսագրել են տների անվտանգության տեսախցիկները:
Տեսագրությունում երեւում է` ինչպես է Դեյվիդ Պարկերը իր մեքենայի բեռնախցիկից հանում շանը, հետո նստում մեքենան, իսկ այդ ընթացքում 5,5-ամյա Քոու Քոու անունով շնիկը մեքենայի հետեւից առաջ է գալիս եւ կանգնում մեքենայի առջեւ: Դեյվիդը նախ մեքենան հետ է վարում, ուղղում այն, իսկ հետո արագ քշում Քոու Քոուի վրա եւ նրան վրաերթի ենթարկում: Շունը փորձում է մի կողմ փախչել մեքենայից, սակայն չի հասցնում:
Բնակիչներից մեկը Քոու Քոուին գտել է նրբանցքում սատկած:
Daily Mail-ը տեղեկացնում է, որ Դեյվիդը վերջերս է բաժանվել կնոջից, իսկ մինչեւ ամուսնալուծությունը շունը մնացել է որպես չեզոք 3-րդ կողմ:
Կինը նշել է, որ իր նախկին ամուսինը դիտավորյալ է շանը վրաերթի ենթարկել, քանի որ ինքը մերժել է նախկին ամուսնուն նրանց կեսաթոշակային ֆոնդից գումար տալ:
Դեյվիդին ձերբակալել են, բայց նա հերքել է, որ շանը դիտավորյալ է մեքենայի տակ գցել:
